НӨАТ-ын буцаан олголтыг иргэдийн дансанд шилжүүлж эхэлсэн тухай Татварын ерөнхий газраас мэдээллээ. Тодруулбал, 2023 оны дөрөвдүгээр улирлын буцаан олголтыг олгож эхэлсэн байна. Энэ удаа 1,203,803 иргэнд 90.1 тэрбум төгрөгийн буцаалтыг шилжүүлэх аж.

    Бид өмнө энэ асуудлаар Татварын ерөнхий газраас тодруулахад, "Хэдний өдрөөс олгож эхлэхийг Сангийн яамнаас шийдвэрлэдэг. 2023 оны дөрөвдүгээр улирлын буцаан олголтыг энэ сард олгохгүй. Харин дараа сард буюу цагаан сарын өмнө иргэдийн дансанд шилжүүлэхээр төлөвлөн ажиллаж байна" гэсэн юм.