Онцгой алба хаагчдын хувцас хэрэгслийн чанар стандарт, хангалтын талаар  ОБЕГ-аас мэдээлэл хийж байна. Энэ үеэр Гал түймэртэй тэмцэх газрын хэлтсийн дарга, дэд хурандаа П.Соронзонболд мэдээлэл өглөө.

            Тэрбээр “Онцгой байдлын алба хаагчдын хувцсыг ахуйн гал, ой хээрийн түймрийн хувцас, хамгаалах тусгай хэрэгсэл гэж ангилсан, өөр өөр стандарттай байдаг. Мөн үүнийг  иж бүрнээр нь өмсөж хэрэглэх ОБЕГ-ын даргын тушаал бий.  Бид хувцас, хэрэглэлээ БНХАУ, ОХУ-аас худалдаж авдаг. Мөн гал унтраах машиныг дагалдаж ирсэн хувцас байдаг. Мөн гал түймрийн үед өмсдөг хамгаалалтын хувцасны тухайд өвөл нь дотортой, зун нь дотроо аваад өмдөг. Энэ хувцас нь ойролцоогоор +400 градус хүртэлх градуст тэсвэртэй байдаг. Мөн уян хатан шинж чаратай бөгөөд, үүрэг гүйцэтгэхэд саад болдоггүй. Мөн амьсгалын бие даасан төхөөрөмж буюу багтай байдаг” гэлээ.