Баянзүрх дүүргийн 26 дугаар хорооны нутаг дэвсгэрт 60 тонн газ тээвэрлэж явсан том оврын автомашин осолдсоны улмаас газ алдаж, гал гарсан осол болсон. Ослын улмаас албан үүргээ гүйцэтгэж явсан онцгой байдлын гурван алба хаагч харамсалтайгаар амь эрсэдсэн билээ. Тэгвэл амь эрсэдсэн алба хаагчийн эгч сэтгүүлчдэд мэдээлэл өглөө.

         Тэрбээр “Гал гарсан талаарх мэдээллийг өглөө авсан. Талийгаач дүүгийн минь хоёр нялх хүүхэд ард нь хоцорч үлдлээ. Ажил мэргэжилдээ дуртай хүү байсан. Хувцас хэрэглэлийн талаар сайн мэдэхгүй ч галыг холоос унтраах хэрэглэлээр нь хангаж болохгүй байсан юм болов уу. Тэгсэн бол дүү минь эсэн мэнд байх байсан юм” гэв.