Баянзүрх дүүргийн 26 дугаар хорооны нутаг дэвсгэрт 60 тонн газ тээвэрлэж явсан том оврын автомашин ослын улмаас дэлбэрч, шатсан. Тус осолд өртөж, түлэгдсэн хоёр иргэний эгч Д.Жаргалаас тодрууллаа. Тэрбээр “Аавын минь том ахын хүү, бага дүүгийн хүү өчигдрийн осолд өртөж, хүнд зэргийн түлэгдэлтэй эмнэлэгт эмчүүлж байна. Нэг дүү минь ус алдсан гэх иргэдийн дуудлагын дагуу ажлаа хийж яваад галд өртөж, 85 хувийн түлэгдэлтэй, сэтгэл зүйн байдал нь тогтворгүй байгаа. Түүний биеийг битүү боочихсон эмчилж байгаа. Нөгөө дүүгийн минь хоёр гар түлэгдэж, хоёр нүд нь хараагүй болсон. Дүү минь гэр рүүгээ явж байхдаа галд өртөж, хүнд гэмтлээ. Хоёр дүүд минь Түлэнхийн төвийн эмч нар шуурхай арга хэмжээ авч ажиллаж байгаа. Дүү нарыгаа эсэн мэнд үлдээсэй гэж залбирч байна. Нэг нь хоёр хүүхэдтэй, нөгөөх нь гурван хүүхэдтэй. Хүүхдүүд нь бүгд аав нарыгаа сахиад эмнэлэгт ирчихсэн байна” гэв.