Баянзүрх дүүргийн 26 дугаар хорооны нутаг дэвсгэрт буюу Дүнжингарав худалдааны төвийн уулзварт 60 тонн газ тээвэрлэж явсан автомашин зам тээврийн ослын улмаас дэлбэрч, их хэмжээний гал гарч байна. Ослын улмаас “Глобал” сургууль, “Чухаг” хотхон,  "Эдү кампус" болон ойролцоох автомашинууд шатсан гэх мэдээлэл бий. Мөн иргэдийг газанд хордохоос урьдчилан сэргийлж, нүүлгэн шилжүүлэх ажлыг холбогдох албаныхан хариуцан ажиллаж байгаа аж. Дуудлагын дагуу Онцгой байдлын Ерөнхий газрын Гал түймэр унтраах, аврах 10, 14, 18, 26, 35, 63 дугаар ангийн алба хаагчид үүрэг гүйцэтгэн ажиллаж байна.