Нийслэл Улаанбаатар хотын Тээврийн хэрэгслийн авто зогсоолын судалгаагаар Их тойруугийн бүсэд 764га газарт нийт 344 байршлын 15,181 авто зогсоол байна. Үүнээс :

• Их тойруу дахь нийт хаалттай авто зогсоол 308 байршил 12273 зогсоол байна. Үүнээс
• Нийслэлийн замын хөгжлийн газартай гэрээтэй 24 баршилд 1496 зогсоол.
•  Хаалттай гэрээгүй 234 байршилд 9065 зогсоол байна.
• Дотоод хэрэгцээний зайлшгүй шаардлагатай зогсоол: 36 байршил 1441 зогсоол байна.
• Их тойруугийн гудамж замын дагуух хаалтгүй зогсоол 1467 байна.

Нийслэл Улаанбаатар хотын бүртгэлтэй автомашин 209,791 байсан бол 2021 онд хүн амын тоо 1,639,172, бүртгэлтэй автомашин 612,369 болж сүүлийн арван жилд хүн амын тоо 1,3 дахин, тээврийн хэрэгслийн тоо гурав дахин өссөн байна. Харин тус хугацаанд авто замын сүлжээний өсөлт дөнгөж 1.8% байна. Хүн амын няграл 2000 онд нийслэлийн нэг км2 нутаг дэвсгэрт 162 хүн оршин сууж байсан бол 2022 онд нэг км2 нутаг дэвсгэр 332 болсон байна.

Тээврийн хэрэгслийн тоо өсөхийн зэрэгцээ  зориулалтын зогсоолын хүртээмж хангалтгүй байгаагаас шалтгаалж замын хөдөлгөөний дүрэм зөрчиж сул чөлөөтэй талбай, явган зам, авто замын зорчих хэсгийн хажууд болон нэгдүгээр эгнээг зогсоол болгон ашиглаж, хөдөлгөөнд саад болж улмаар замын хөдөлгөөний ачааллыг улам бүр нэмэгдүүлж байна.

Нийслэл Улаанбаатар хотын Их тойруугийн бүс рүү өдөрт дунджаар 238 620 тээврийн хэрэгсэл хөдөлгөөнд оролцдог.  Тиймээс тухайн бүсэд тээврийн хэрэгслийн зогсоолтой холбоотой олон төрлийн зохицуулалтуудыг нэн дурай авч хэрэгжүүлэхээр төлөвлөөд байна.

Нийслэл Улаанбаатар хот нь гол гудамж замын хөдөлгөөнд саад учруулж байгаа карма зогсоолын хааж өөрөөр хэлбэл явган зам, дугуйн зам, ногоон байгууламж хэлбэрээр дахин төлөвлөн ажиллаж байна.

Гол гудамж замын хөдөлгөөнд саад учруулж байгаа карма зогсоолын хааж Их багтаажийн авто зогсоолын дөрвөн байршилд төлөвлөн ажиллаж байна.

Их тойруугийн бүсийн авто зогсоолын хүндэр:

• Нийт жолооч нарын 25% нь зогсоол хайж 15-20 минутанд 300-500 метр замыг 10-15 км/цагийн хурдтайгаар туулж хөдөлгөөнд саатал учруулдаг байна
• Энхтайваны өргөн чөлөөний дагуух карма зогсоолоос үүдэн Нийтийн тээврийн нэгдүгээр эгнээгээр зорчиж байгаа нийтийн тээврийн хэрэгслийн хурд удааширч авто замын түгжрэлд орж байна.
• Карма зогсоолоос үүдэн гол гудамж замын хөдөлгөөнд саад учирч авто замын түгжрэл үүсч байна..

Тиймээс Их тойруугийн бүс  Энхтайваны өргөн чөлөөний дагуух карма зогсоолын хааж Нийтийн тээврийн үйлчилгээг дэмжих төлөвлөгөөтэй байна. Одоогоор Энхтайваны өргөн чөлөөний дагуух нийт  карма 26 авто зогсоолыг авто замын байгууламжийн тоноглолоор хааж ажиллаж байна.

Дараах үр дүн гарна гэж үзэж байна.

• Ажлын цагаар гудамж зам дагуух зогсоолд машинаа үнэгүй байршуулан замын хөдөлгөөнд саад болох, хөдөлгөөний аюулгүй байдал алдагдах зэрэг сөрөг нөлөө үзүүлж байгаа учир зарим хотын төвийн хэсэг дэх хаалтгүй зогсоол /метрийн/ явган зорчигчийн зам болгож төлөвлөх.
• Нийтийн тээврийн нэгдүгээр эгнээ бүрэн чөлөөлөгдөж нийтийн тээврийн үйлчилгээний чанар хүртээмж сайжирна.
• Иргэдийн ая тухтай явган алхах нөхцөлийн бүрдүүлэх
• Их багтаамжийн далд зогсоолыг шинээр төлөвлөх.
• Одоо үйл ажиллагаа явуулж буй зогсоолыг нэгдсэн стандартад оруулан, төлбөржүүлж нэгдсэн удирдлагын системд оруулах ажлыг зохион байгуулах
•  
• Зогсоолын үнэ тарифын шинэчлэлт хийх, /тарифын ялгаатай систем/ цахим төлбөрийн системийн шилжилт
• Авто зогсоолын эрэлтийг зохицуулах менежментийг сайжруулах
• Зогсоол, замын хөдөлгөөний түгжрэлийг хариуцсан олон нийтийн цагдаа ажиллуулах эрх зүйн орчныг бий болгох