Монгол буддын шашны тэргүүн Х Богд Жавзандамба хутагт Жадо ринбүчи айлдварт оролцож, дамжлага эрх ёсчлон хүртжээ. Дамжлага эрх ёсчлон хүртсэнээр Х Богд Жавзандамба албан ёсоор Монголын бурхны шашны тэргүүний суудалдаа заларч байгаа юм байна.

                           Х  Богд дамжлага эрх ёсчлон хүртсэн талаар Гандантэгчэнлин хийдээс “Жадо ринбүчи Х Богдтой номын барилдлага тогтоон Богдын хүрээний мэргэн гавж Лувсандаян ламтаны жигдлэн найруулж Төвөдийн мэргэд дээдсүүдэд дамжуулсан, Мажиг дүвбий жалмо хэмээх Энэтхэгийн их бүтээлчийн Аюуш бурханы насны авшгийг багшаас шавьд,чихнээс чихэнд, нууцын нууц, зүрхний гүн дэх нандин авшиг дамжлага эрхийг ёсчлон хүртлээ.  90 гаруй жилийн тэртээ Монгол орноос дамжсан ховор номын авшиг,  Монгол орноо эргэн дэлгэрсэн байна. Энэхүү гайхамшигт буяны үрээр Дээдэс багш нарын өлмий өнөд бат оршиж, буяны саданг шүтэгч номын нөхөд дээдийн номын рашаанаар цэнгэж Бурхан бодитой Жэвзүндамба хутагт таны шашин зүг бүртээ дэлгэрэх болтугай” гэж мэдэгджээ.