Зам, тээврийн сайд С.Бямбацогт, Олимп, нийтийн биеийн тамир спортын сайд Б.Бат-Эрдэнэ, Шадар сайд асан Ө.Энхтүвшин тэргүүтэй УИХ-ын долоон гишүүний эрээн хувцастай буу үүрсэн зураг олон нийтийн сүлжээгээр тарсан. УИХ-ын гишүүд тухайн үед хаана, ямар ажлаар явж байсан талаар Зам, тээврийн сайд С.Бямбацогтоос тодрууллаа.

      Тэрбээр “2010, 2011 оны үед УИХ-ын гишүүд цэргийн ангийн үйл ажиллагаатай танилцсан юм. Тэр үед Хэнтий аймгийн Дадал сумын застав дээр очиж хоёр, гурав хоног хил манаж, хилийн цэргийн амьдрал, үйл ажиллагаатай танилцсан үеийн зураг олны анхаарлыг татаж, цахим орчинд цацагдаад байна. Хилийн цэргийнхэн биднийг манаанд гарах хилчин шиг хувцаслаж, буутай яаж харьцах талаар зааж өгсөн. Бид тэр үед торгон хил дээр очиж, автомашин явах боломжгүй газар мориор болон явган явсан зураг ч бий” гэлээ.