Засгийн газрын ээлжит хуралдаан өнөөдөр хуралдлаа. Энэ үеэр Дарханы арьс ширний үйлдвэрийн талаар ЗГХГ-ын дарга Д.Амарбаясгалан мэдээлэл өглөө.

     Тэрбээр “Өнгөрсөн хугацаанд төрийн дээд албан тушаал хашиж байсан хүн Засгийн газарт бүрэн бус худал мэдээллийг оруулж, шийдвэр гаргуулсан юм билээ. Дарханы арьс ширний үйлдвэр байгуулах компани олон охин компани байгуулж, хөрөнгө цавшсан учир АТГ-т шалгуулж байгаа. Эрх мэдлээ ашиглан ЗГ болон шат шатны байгууллагад нөлөөлсөн энэ хэрэг нь АТГ-т шалгуулж, эцэслэн шийдэгдэнэ гэдэгт итгэж байна. Мөн Дарханы арьс шир боловсруулах төрийн, хувийн хоёр үйлдвэрийг хоёуланг нь татан буулгаад Эмээлтэд шинийг барина” гэлээ.