МҮОХ-ны тэргүүн дэд ерөнхийлөгч Ч.Наранбаатар өнөөдөр Японы триатлоны холбооны ерөнхийлөгч Мицүхидэ Ивакиг Олимпик хауст хүлээн авч уулзлаа. Уулзалтын үеэр талууд Монголын триатлоны спортын хөгжлийг эрчимжүүлэх чиглэлд хэрхэн хамтран ажиллах талаар санал солилцов. Ноён Иваки Монголын нөхцөл байдалтай газар дээр нь танилцаж, спорт холбоод хоорондын харилцааг өргөжүүлэх зорилготой ирснээ хэлжээ.

     Триатлоны спортыг Монголд болон олон улсын хэмжээнд хөгжүүлэхэд оруулсан хувь нэмрийг нь үнэлэн уулзалтын үеэр ноён Мицүхидэ Ивакиг МҮОХ-ны Олимпын алдар одонгоор шагнажээ.