Монголын зохиолчдын эвлэлээс жил бүр уламжлал болгон зохион байгуулдаг “Утгын чимэг” оны шилдэг богино өгүүллэг шалгаруулах наадмын бүтээл хүлээн авах хугацаа 11 дүгээр сарын 15-нд дуусна. Оны шилдэг өгүүллэг шалгаруулах “Утгын чимэг- 2022” улсын наадамд оролцох бүтээл нь сэдвийн хувьд өргөн хүрээг хамарсан, туурвил зүйн шинэ эрэлхийлэл болсон, өмнө нь хэвлэгдэж, цахим орчинд нийтлэгдэж байгаагүй нэг өгүүллэг байна. Тус наадамд хүргүүлсэн бүтээлийг цахим талбарт нийтэлж, уншигчдад цувралаар урьдчилан танилцуулах юм байна.

Бүтээлд тавигдах шаардлага:

- А4 форматаар, үсгийн хэмжээ 12, мөр хоорондын зай 1.5-аар 3 нүүр буюу 63 мөрөөс хэтрэхгүй байх.

- Хугацаа хоцорсон бүтээлийг хүлээн авахгүй.

- “Утгын чимэг-2022” наадамд ирүүлэх бүтээлээс бүртгэлийн хураамж авахгүй.

    Бүтээлийг 2022 оны есдүгээр сарын 15-наас хүлээн авч эхэлсэн бөгөөд 11 дүгээр сарын 15-ныг дуустал Монголын Зохиолчдын Эвлэлийн 206 тоот өрөөнд хүлээж авна. Мөн [email protected] хаягаар хүргүүлж болох аж.