Хойд Солонгос Улс, Япон Улсын хойд хэсгийн нутаг дэвсгэр дээгүүр дунд тусгалын баллистик пуужин харвалаа. Энэ үеэр Японы Засгийн газраас Хоккайдо арлын хүмүүсийг нүхэн гарцаар нуугдаж, зарим галт тэрэгний үйл ажиллагааг түр зогсоохыг анхааруулсан байна. Энэ нь 2017 оноос хойш Умард Солонгос Япон руу чиглэсэн анхны пуужингаа харваж байгаа үйлдэл юм. НҮБ Хойд Солонгосыг баллистик болон цөмийн зэвсгийн туршилт хийхийг хориглодог. Гэвч тэд энэ үйлдлээ удаа дараа гаргасаар ирсэн. "Хойд Солонгос пуужин харвасан. Барилга руу эсвэл газар доогуур нүүлгэн шилжүүлнэ үү" гэж Японы засгийн газар орон нутгийн цагаар мягмар гарагийн 07:29 цагт (Даваа гарагийн 22:29 GMT) сэрэмжлүүлэг мэдэгджээ. Албаныхны мэдээлснээр пуужин Японоос 3000 км-ийн зайд Номхон далайд унасан бөгөөд үүнээс болж ямар нэгэн хохирол аваагүй байна. Японы Ерөнхий сайд Фумио Кишида энэхүү үйлдлийг эрс буруушааж, пуужин хөөргөх ажиллагааг "Хүчирхийллийн үйлдэл" гэж тодорхойлж, Японы засгийн газар Үндэсний аюулгүй байдлын зөвлөлөө хуралдуулахаар зарлав. Мөн Бямба гарагт Японы эдийн засгийн онцгой бүсийн гаднах усанд хоёр пуужин унасан.

       Хойд Солонгосын олон пуужингийн туршилтууд нь хөршүүдийнхээ дээгүүр нисэхээс зайлсхийж, өндөрт байрлах нисдэг зам дээр хийгддэг. Гэвч энэ удаа Японы дээгүүр харвасан нь Хойд Солонгосын эрдэмтдэд пуужин турших боломжийг "Бодит нөхцөлд ашиглах нөхцөлийг илүү илэрхийлсэн" гэж шинжээч Анкит Панда "Ройтерс" агентлагт ярьжээ. Энэ сарын эхээр БНАСАУ цөмийн зэвсэгтэй орон гэдгээ зарласан хууль баталж, удирдагч Ким Чен Ун цөмийн зэвсгээс ангижрах талаар яриа хэлэлцээ хийх боломжийг үгүйсгэсэн юм. Үүнд өргөн хүрээний хориг арга хэмжээ авсан ч Пхеньян 2006-2017 оны хооронд зургаан удаа цөмийн туршилт хийсэн юм