Монголын тайз, дэлгэцийн жүжигчин СТА Г.Эрдэнэбилэгийг Монгол Улсын гавьяат жүжигчин цолоор шагнахаар болжээ. Тэрбээр 1977 онд Улаанбаатар хотод төрсөн. СУИС-ийг жүжигчин мэргэжлээр төгссөн тэрбээр өдгөө Улсын драмын эрдмийн театрт жүжигчнээр ажиллаж буй. Тэрбээр “Чиний эзгүй”, “Би чамд хайртай”, “Бурхан өршөөг”, “Сая долларын эзэн”, “Үргээлэг” зэрэг киноны гол дүрийг бүтээж байсан. Харин “Хиймор”, “Тэнгри чину” киноны ерөнхий найруулагчаар ажиллаж байв. Мөн хамгийн сүүлд “Тамгагүй төр” жүжгийн Арчуг хааны дүрийг бүтээж, олны бахархал, хайр,хүндэтгэлийг хүлээж буй.