Цахим сүлжээнд урд хөрш рүү зорчих иргэд тусгаарлалтад орохгүй гэх мэдээлэл түгсэнтэй холбоотойгоор БНХАУ-аас Монгол Улсад суугаа Элчин сайдын яамнаас залруулга мэдээлэл гаргажээ.

Тус мэдээлэлд

                 “Өнөөдөр, Монгол Улсад Фэйсбүүк зэрэг мэдээллийн хэрэгслээр “2022 оны долдугаар сарын 1-ний өдрөөс эхлэн, Монгол Улсаас БНХАУ-д зорчих бүх иргэд тусгаарлалтад орохгүй ” гэх мэдээлэл тархсан нь ташаа мэдээлэл болно. 

БНХАУ-д зорчихтой холбоотой хамгийн сүүлчийн шинэчлэгдсэн зохицуулалтыг манай Элчин сайдын яамны албан ёсны вэбсайтаас “2022 оны зургадугаар сарын 28-ны өдрийн гаргасан БНХАУ-д зорчих иргэд эрүүл мэндийн код/ эрүүл мэндийн гэрчилгээ авах шинэчилсэн журам ”-аас  харна уу. 

                 Зорчигчид нь БНХАУ-д очсоны дараа тухайн орон нутгийн Засгийн газрын цар тахлаас урьдчилан сэргийлэх холбогдох журмын дагуу тусгаарлалтад орох юм” гэсэн байна.