Архангай аймгийн Цахир сумын нутаг дэвсгэрт “Ашигт малтмал олборлох зөвшөөрлийг хууль зөрчин үгсэн хуйвалдаж олгосонд нутгийн иргэд бухимдалтай байна” гэх утгатай мэдээлэл цахим орчинд нийтлэгджээ. Тухайн мэдээллийг нийтлэгдсэн даруйд цагдаагийн байгууллагаас шалгалтын ажиллагаа явуулахад, Архангай аймгийн Цахир сумын нутаг дэвсгэрт байрлах Хясаа уул орчимд одоогоор хууль бусаар газрын хэвлийд халдаж олборлолт болон хайгуулын ажил хийгээгүй байжээ.