Манай улсад сүүлийн үед дээрэмдэх, хулгайн гэмт хэрэг нэмэгдэж, энэ тухай дуудлага мэдээлэл цагдаагийн байгууллагад бүртгэгдэж байгаа аж. Тодруулбал, дөрөвдүгээр сарын 4-нд Баян-Өлгий аймгийн Өлгий сумын нутаг дэвсгэрт 15 настай, эмэгтэй хүүхэд гар утсаа дээрэмдүүлсэн хэрэг бүртгэгджээ. Тус хэргийг тухайн аймгийн 32 настай, эрэгтэй С үйлдсэнийг илрүүлсэн байна. Мөн энэ сарын 4-ны 03:41 цагийн үед Баянгол дүүргийн хоёрдугаар хорооны нутаг дэвсгэрт 60 настай, эрэгтэй О гэгчийг согтуугаар явж байхад нь Баянзүрх дүүрэгт оршин суух 22 настай, эрэгтэй Т гэгч нь гар утас, хүзүүний монетон гинжийг дээрэмдсэн байна. Баянгол дүүргийн 20 дугаар хорооны нутаг дэвсгэрт 37 настай, эмэгтэй Э нь халааснаасаа “I phone-11” гар утсаа алдсан хэргийг 22 настай, эрэгтэй Т үйлдсэн хэргийг цагдаагийн алба хаагчид шуурхай эрэн сурвалжилж, ирүүлэн мөрдөн шалгах ажиллагаа явуулж байгаа аж. Иймд бага насны хүүхдийг шөнө, оройн цагаар ганцааранг нь гадуур явуулахгүй байх, архи, согтууруулах ундаа хэтрүүлэн хэрэглэхээс зайлсхийж гэмт хэрэг, зөрчилд өртөхөөс урьдчилан сэргийлэхийг сэрэмжлүүлж байна.