Эрчим хүчний сайд Н.Тавинбэх цахилгааны үнийг 28 хувиар нэмэх шаардлагатай гэж үзжээ. Тодруулбал, тэрбээр "УИХ-ын чуулганы үеэр эрчим хүчний үнийг 28 хувиар нэмэх шаардлагатай" хэмээн санал оруулж, олны шүүмжлэлийг хүртэж буй. Тиймээс эрчим хүчний үнийг яагаад 28 хувиар нэмэх санал оруулсан тухай тус яамны хэвлэлийн төлөөлөгч Б.Баяржаргалаас тодрууллаа. 

Тэрбээр “Манай улс сүүлийн хоёр жил эрчим хүчний алдагдалтай ажиллаж байгаа учир үнэ нэмэх шаардлагатай гэдгийг сайд УИХ-ын чуулганы хуралдааны үеэр танилцуулсан. Тодруулбал, манай улс эрчим хүчийг үйлдвэрлэж буй үнээс хямд зардаг. Дахин энэ тухай санал оруулах эсэхийг мэдэхгүй байна” гэлээ.