"Монгол адуу нийгэмлэг"-ээс монгол адууны асуудлаар мэдээлэл хийлээ. Монгол адуунд тулгамдаад буй асуудлаар тус нийгэмлэгийн Захирал Ч.Улаан дараах мэдээллийг өгсөн юм.

Тэрбээр “Бид таван хошуу малыг Үндсэн хуульдаа үндэсний баялаг мөн гэж тунхаглаж төрийн хамгаалалтад байлгахаар хуульчилсан байдаг. Тийм учраас адуу бидний хувьд онцгой амьтан. Мөн адуу анх Монголын тал, нутагт 60 гаруй жилийн өмнө үүссэн гэдгийг олон судалгаагаар тогтоосон байдаг. Түүнчлэн монголчууд адууг анх гаршуулж, сургаж хүн төрөлхтөнд таниулсан. Гэтэл өнөөдөр монгол адуу "улаан ном"-д орж ховордон устгаж үгүй болох аюул нүүрлэж байгааг үгүйсгэх аргагүй. Дэлхийд тархан байршиж буй 60 гаруй сая адууны төрлүүдийг судалж үзэхэд адуу анх хаана үүсэж гэдгийг тогтоох боломжтой. Судалгаагаар адуу монголын тал нутагт үүсжээ гэдгийг олон эрдэмтэн нотолсон байдаг. Мөн монголчууд анх адууг гаршуулж, хэрэглэж хүн төрөлхтөнд таниулсан байх юм аа. Монголчууд адуугаа дээдэлдэг. Энэ бол бидний зүй ёсны бахархал мөн. Тиймээс монгол удаагаа авч үлдэхийн төлөө үйл ажиллагаагаа явуулж байна” гэв