Ардчилсан намаас  түгжрэлийн бууруулах зорилгоор тавигдаж байгаа LRT буюу тулгуурт хөнгөн галт тэрэгний талаар мэдээлэл хийлээ.

   Нийслэлийн Иргэдийн төлөөлөгчдийн хурлын төлөөлөгч Д.Энхтуяа “Нийслэл Улаанбаатар хотод Улаанбаатарын хөрөнгө оруулалтын корпорац, Улаанбаатарын менежмент гэсэн  хоёр компани байгаа. Улаанбаатар хотод хэрэгжиж байгаа томоохон төслүүдийг төр, хувийн хэвшлийн оролцоотойгоор хийж гүйцэтгэх  үүрэгтэй. Мөн Улаанбаатар шинэ бүтээн байгуулалт гэсэн компанийг Нийслэлийн иргэдийн төлөөлөгчдийн хурлаар оруулж баталгаажуулсан. Энэхүү компани нь төсвийн тодотголоор орж ирсэн “Хөнгөн гал тэрэг”-ийг зохион байгуулж бүтээхэд зориулсан компани юм.

   28.5 тэрбум ам.доллароор Улаанбаатар хотын түгжрэлийн шийднэ гэж яриад байгаа . Энэ талаар сангийн сайд  Ч.Хүрэлбаатар “Улс орны аюулгүй байдлын өрийн таазтай яригдах учир нухацтай авч үзэх ёстой. Хотоос сонгогдсон 24 гишүүн энэ мэдээллийн авч төсвийн тодотголоор хийгдэх ажил биш” гэдгийг хэлсэн. Үүнтэй Нийслэл дэх Ардчилсан намын гишүүд санал нэгтэй байгаа.  Та бүхэн мэдэж байгаа Дүүжин тээврийн өмнөх захиргаа компани гэж байсан. Энэ компани хоёр жил ажиллахдаа төсвөөс жил бүр 500 сая төгрөгийн санхүүжилт авдаг байсан. Тэгэхээр Францын засгийн газраас 60 сая ам.долларын зээл авсан. Өнөөдөр сар бүр Улаанбаатар хотын засаг захиргаа тухайн зээлийн хүүг төлж байна. 2022 оны төсөвт анх удаа Улаанбаатар хотын түгжрэлийг буулгах 420 тэрбум төгрөг тусгасан байгаа.   

  Тайланд Улсын нийслэл Бангкок хотод хөнгөн галт тэрэг байдаг. Тус улсад байнгын бороо ордог чийглэг уур амьсгалтай гэхдээ галт тэргийг доогуур шороо тоос бужигнасан хэвээрээ байдаг. Хотын төвөөр явахад тохиромжгүй тээврийн хэрэгсэл тиймээс дэлхийн маш олон хотууд энэ төслөөс татгалзсан. Мөн дараа жил цахилгаан эрчим хүчний хязгаарлалт хийнэ гэдгийг хэлсэн. Гэтэл цахилгаанаар явдаг, зардал ихтэй, хотын өнгө үзэмжид муугаар нөлөөлсөн зүйлийн хийх гэж байгааг эсэргүүцэж байна. Хөнгөн галт тэрэг замын дундуур баригдах учир зам нарийсна , тиймээс улам түгжрэл нэмэх эрсдэлтэй” гэв.