Та хаа нэг газарт баавгайн хэлбэртэй хэрнэ өөр өнгө, загвартай, баавгайн тоглоомуудыг харж байсан уу? Эдгээр тоглоом нь хүүхдүүд тоглох бус ямар нэгэн зүйлийн бэлгэдэл болгон цуглуулах, хадгалах үүрэгтэй “ Art toy” чиглэлийн бүтээлүүд юм.

Be@rbrick тоглоом бол хэн ч юуг ч зурж болох хоосон хуудас  юм. Анх “Be@rbrick” буюу лего төрлийн тоглоомыг 1996 онд Японы Medicom Toy компанийг үүсгэн байгуулсан Тацухико Акаши бүтээжээ. Акаши 2001 онд Токиод болсон Дэлхийн дүрүүдийн конвенцод зориулж Bearbrick-ийг бүтээсэн бөгөөд зохион байгуулагчид нь оролцогчдод зориулсан бэлэг хийлгэхээр түүнд хандсан байна. Тэрбээр зөөлөн чихмэл баавгайг лего хэлбэрт оруулан бүтээх санаа гаргажээ. Ийнхүү 2001 оны тавдугаар сарын 27-нд “Medicom Toy” компани “Be@rbrick”-ийг худалдаанд гаргасан бөгөөд энэ нь тоглоом биш харин үнэ цэнтэй цуглуулга болон үлджээ.

Түүнээс хойш “Be@rbrick” дэлхийн олон тэмдэглэлт баяр, хүүхэлдэйн, уран сайхны киноны санаа гол дүрсийг буулгасан, загвар хэлбэрээр зарагдаж байжээ. Мөн “art toy”  төрлийн тоглоом нь загварын салбарын гол бүтээгдэхүүн бөгөөд Chanel, Nike, X-Large, Hermès, Comme Des Garçons, Bape, CLOT, Levis, Stüssy, Undercover зэрэг олон алдартай брэндтэй хамтран ажилласан юм.

Дизайн сонирхогчдын дунд Be@rbrick-ийг маш их алдартай болгосон шалтгааныг хэн ч хэлж чадахгүй. Гэхдээ түүний онцгой байгаа шалтгаанд нөлөөлсөн хоёр хүчин зүйл бол түүний дизайны өвөрмөц байдал, хязгаарлагдмал үйлдвэрлэлтийн тоо юм.

Хамгийн үнэтэй зарагдсан “Be@rbrick” бол Хятад Улсын алдарт зураач Юэ Минжүнгийн гаргасан түүний зурсан бүтээлүүдтэй тоглоом бөгөөд зургаан сая ам.доллароор зарагдсан байна.