Эргэлт.мн мэдээллийн сайт сэтгүүлч, уран бүтээлчдийнхээ бүтээлүүдийг эмхэтгэн “ЭРГЭЛТИЙН НОМЫН САН” цуврал бүтээж, эхний 10 номын нээлтээ өнгөрсөн пүрэв гарагт хийлээ. Энэ үеэр Монголын гэрэл зургийн холбооны Нарийн бичгийн дарга Д.Эрдэнэцэцэг үг хэллээ.

                Тэрбээр "Би Б.Энхмарт, Э.Хүрэлбаатар хоёрыг оюутан байхаас нь мэднэ. Ямар эрч хүчтэй, дайчин, зорьсон зүйлдээ хүрч байж сэтгэл амардаг хүмүүс вэ гэдгийг нь мэддэг. “Эргэлтийн номын сан” цувралд багтсан “Ертөнц” гэрэл зургийн номонд баримтат, хэвлэл мэдээллийн гэрэл зургууд багтсанд их олзуурхаж байна. Энэхүү номд одоогоос 2-3 жилийн өмнө Э.Хүрэлбаатарыг "Үндэсний шуудан" сонинд Ерөнхий эрхлэгч байхад нь дөнгөж орж ирээд сэтгүүлчийн гараагаа эхлүүлж байсан хүүхдүүдийн бүтээл байгаад бүр их баяртай байна. Энхмартын хувьд ямар ч ур чадвартай, мэдрэмжтэй хүүхэд байсан хамаагүй "нухсаар" байгаад сэтгүүлч болгож чаддаг гэдгийг нь онцлон хэлмээр байна. Цаашдынх нь ажилд өндөр амжилт хүсье” гэв.