НҮБ-ын Боловсрол, шинжлэх ухаан, соёлын байгууллага (ЮНЕСКО)-аас 1995 онд дөрөвдүгээр сарын 23-ны өдрийг “Дэлхийн номын өдөр” болгон зарласан билээ. Энэ өдөр дэлхийн 100 гаруй оронд зохиолч, хэвлэн нийтлэгчдэд хүндэтгэл үзүүлэх, ном уншихын ач холбогдлыг олон нийтэд сурталчлан таниулах арга хэмжээг зохион байгуулж иржээ.

  “Дэлхийн номын өдөр”-ийг манай улсын төрийн болон төрийн бус байгууллагууд, номын сан, зохиолч, хэвлэн нийтлэгчид жил бүр тэмдэглэдэг бөгөөд нийтийн уншлагыг дэлгэрүүлэх, ном, эрдмийг сурталчлах чиглэлээр төрийн бодлого, хэрэгжилтийн хүрээнд олон ажлуудыг зохион байгуулж байна.

  Боловсрол, соёл, шинжлэх ухаан, спортын сайдын 2018 оны аравдугаар сарын 31-ний өдрийн А/683 дугаар тушаалаар номын сан болон уншлагын төвүүдийн үйл ажиллагааг дэмжих, уншлагыг дэмжих олон талт арга хэмжээг зохион байгуулах, тэргүүний уншигч иргэн, гэр бүл байгууллагыг сурталчлах үйл ажиллагааг дэлгэрүүлэх зорилгоор “Уншлагыг дэмжих журам”-ыг баталсан.

Олон улсад энэ өдрийн хэрхэн өнгөрүүлдэг вэ?

Испани

Испанид "Номын баяр"-ыг 1926 оноос хойш жил бүрийн аравдугаар сарын 7 буюу Мигель де Сервантесийн төрсөн өдөр тэмдэглэж эхэлсэн. Гэхдээ энэ өдрийг задгай агаарт алхаж, ном үзэхэд илүү таатай улиралд тэмдэглэх нь зүйтэй гэж үзсэн учир 1930 онд хаан Альфонсо XIII "Номын баяр"-ын баярыг дөрөвдүгээр  сарын 23-нд буюу Сервантесийн таалал төгссөн өдрийг тэмдэглэж байсан.

Америк

Мэрилэнд мужийн Кенсингтон хотод  Олон улсын номын өдрийг дөрөвдүгээр  сарын 26-ны ням гарагт  баяраар тэмдэглэдэг.

Энэтхэг

Жил бүрийн дөрөвдүгээр сарын 23-нд Энэтхэгт  Дэлхийн номын өдрийг тэмдэглэдэг.  Хүмүүсийг ном уншиж, хэвлүүлэх урамшуулах, таниулах зорилгоор Энэтхэгийн олон оронд энэ өдрийг тэмдэглэдэг.