Хүчтэй салхины улмаас "Нарны хорооллын долдугаар байрны цонх хагарч, автомашин дээр унасан" гэх  тайлбартай зураг олон нийтийн сүлжээгээр цацагдсан. Энэ талаар автомашиных нь дээвэр цөмөрч, цонх нь хагарсан "приус-20" автомашины эзнээс тодрууллаа. Тэрбээр “Саяны салхины улмаас айлын цонх биш давхрын тагтны хаалт унаж, долоон автомашины дээвэр цөмөрч, цонх нь хагарсан. Бид байрны СӨХ хариуцсан хүнтэй уулзахаар хүлээж байна. Түр зуурын салхинд унадаг шил, цонхтой байранд амьдарч байна гэхээр айдастай байна. Дараагийн салхинаар юу болохыг хэлж мэдэхгүй. Хэрвээ хүний дээрээс унасан бол үнэхээр хэцүү шүү дээ. Тус асуудлыг үнэлгээ тогтоодог мэргэжлийн байгууллагад хандаж шийдүүлнэ. Нарны хорооллын долдугаар байрыг “ Хурд” компани 2014 онд ашиглалтад оруулсан” гэлээ.