Тээврийн цагдаагийн албаны Жижүүрийн шуурхай удирдлагын төвд дөрөвдүгээр  сарын 18-21-ний өдрүүдэд нийт 1200 дуудлага мэдээлэл хүлээн авснаас зам тээврийн ослын шинжтэй 882 дуудлага мэдээлэл бүртгэгдсэн.
Бүртгэгдсэн зам тээврийн ослын улмаас 47 хүн гэмтэж бэртсэний 12 нийслэлд, 17 орон нутагт бүртгэгдсэн бол ослын улмаас гурван хүний амь хохирсон байна.

   Хүн гэмтсэн ослыг хэлбэрээр нь авч үзвэл: Нийслэлд

• Явган зорчигч мөргөх хэлбэрээр есөн осол бүртгэгдэж,  есөн хүн гэмтсэн.
• Мөргөлдөх хэлбэрээр хоёр осол бүртгэгдэж, гурван хүн гэмтсэн.

Орон нутагт:

• Үл хөдлөх зүйл мөргөх хэлбэрээр нэг осол бүртгэгдэж, хоёр хүн гэмтсэн.
• Онхолдох хэлбэрээр долоон осол бүртгэгдэж, найман хүн  гэмтэж, хоёр хүний амь хохирсон.
• Мөргөлдөх хэлбэрээр нэг осол бүртгэгдэж,  нэг хүн  гэмтсэн.
• Явган зорчигч мөргөх хэлбэрээр таван осол бүртгэгдэж,  зургаан хүн гэмтэж, нэг хүний амь хохирсон.

     Энэ долоо хоногт хүүхэд өртсөн таван осол бүртгэгдэж таван хүүхэд гэмтсэн байна. Дээрх осолд өртсөн хүүхдүүд бүгд явган зорчигч хэлбэрээр хөдөлгөөнд оролцсон бол насны хувьд 11-13 насныхан байна.

    Мөн энэ оны эхний гурван сарын байдлаар мотоциклын ослоор 21 хүний амь хохирч, 24 хүн гэмтэж бэртсэн байна.Энэ долоо хоногт мотоциклтой хөдөлгөөнд оролцсны улмаас онхолдох хэлбэрээр зургаан осол бүртгэгдэж, долоон хүн гэмтэж, хоёр хүний амь хохирсон байна.