“Оюунлаг ирээдүйн төлөө” уриатай Эргэлт.мн мэдээллийн сайт сэтгүүлч, уран бүтээлчдийнхээ шилдгийн шилдэг бүтээлүүдийг эмхэтхэн “ЭРГЭЛТИЙН НОМЫН САН” цуврал нэртэй 10 ном бүтээж, уншигчдынхаа оюуны санд өргөн барьж, өчигдөр номынхоо нээлтийг хийсэн.

      Энэ үеэр СГЗ, сэтгүүлч Б.Ганчимэг сэтгэгдлээ хуваалцахдаа “Би “Эргэлтийн ном сан” цувралд багтсан бүтээлүүдийг халуунаараа уншигчдад хүрч байхад нь уншиж, харсан. Түүнээс хойш нэгтгэж үзээгүй байна. Миний баярлах хамгийн том шалтгаан юу вэ гэхээр мэргэжлийн сонины сэтгүүлчдийн бүтээлүүд тус 10 номд багтаж байгаад олзуурхаж байна. Ийм бүтээлч сэтгүүлчид бичдэг сэтгүүлчдийг тойрсон гал тогооноос "төрдөг". Э.Хүрэлбаатар эрхлэгч бид нэг зэлний унаганууд гэхдээ нэг редакцад ажиллаж байгаагүй ч нэгнийгээ мэддэг, сэтгэлд ойр байдаг. Өнөөдөр ойрд  уулзалдаагүй уран бүтээлчид, сэтгүүлчидтэйгээ уулзаж, ярилцаад сайхан байна. Би Э.Хүрэлбаатар эрхлэгчид "Бичих ажлаа үргэлжлүүлээрэй" гэж захимаар байна. Аливаа байгууллага, хамт олныг удирдаад тодорхой манлайллыг тээх хэцүү, бичх ажил орхигддог, уран бүтээлчийнхээ хувьд бие халаалтгүй болчихдог юм байна лаа шүү. Тэгэхээр бичих ажлаа орхиж болохгүй. Ингээд танай хамт олны гаргасан 10 номыг уншаад сэтгэгдлээ хуваалцана. Та бүхэнд дахин баяр хүргэж, ажлын өндөр амжилт хүсье” гэв.