Сонгинохайрхан дүүргийн зургадугаар хороонд байрлах Хайрхан хорооллын Мандах СӨХ-ноос сэрэмжлүүлэг мэдээллийг нийтэлсэн байна. Сонгинохайрхан дүүргийн Хайрхан хорооллын 13 дугаар байрны орцонд эрэгтэй хүн бээлийнд шатахуун шингээн үнэрлэж, эмэгтэй хүүхдийн араас дагаж айлгасан байна. Тухайн үйлдлийг жижүүр камераар харж, сэжигтэй санагдсан тул араас нь дагаж шатахуун үнэрлэсэн иргэнийг хөөж гаргасан байна.

    Тиймээс иргэд сонор сэрэмжтэй байж үр хүүхэд болон эмэгтэйчүүдээ хамгаалж орц хонгилдоо орсон сэжигтэй хүмүүсийг харж хянаж шаардлагатай бол холбогдох газар нь хандахыг тус байрны “Мандах” СӨХ-ноос сэрэмжлүүллээ.