Цагдаагийн албан хаагч 13 настай охиныг 14 цагийн хугацаанд гавтай хонуулж, биед нь халдсан гэх мэдээлэл гарсан.

 Энэ талаар Ховд аймаг дахь цагдаагийн газрын дэд хурандаа Ц.Булганбаатар “Ховд аймгийн Дарви сумын хэсгийн төлөөлөгчтэй холбоотой асуудал дөрөвдүгээр сарын 14-ний өдөр бидэнд мэдэгдсэн. Энэ дагуу холбогдох албаны шалгалт хийгдээд явж байсан. Харин өчигдөр олон нийтэд мэдээлэл ил боллоо. Үүнтэй холбоотойгооор Цагдаагийн Ерөнхий Газрын удирдлагууд болон Улсын Ерөнхий Прокурорын газраас чиглэл өгсөн. Энэ дагуу Дарви суманд аймгийн орлогч прокуророор ахлуулсан ажлын хэсэг холбогдох эрх бүхий албан тушаалтнууд хяналт, шалгалтыг явуулж байна. Урьдчилсан байдлаар тогтоогдсон мэдээлэл байхгүй байна. Дарви суман дахь ажлын хэсэг тухайн хэргийн явцыг шалгаж байгаа бол бид албан хаагчынхаа ёс зүйн байдлын дагуу шалгалт явуулж байна” гэв