Сүхбаатарын талбайд  нэг иргэн өөрийгөө шатааж, амиа егүүтгэхийг завдсан хэрэг гарчээ. Тодруулбал, өнөөдөр 19:30 цагийн орчимд цагдаагийн байгууллагад "Сүхбаатарын талбайд эрэгтэй хүн шатаж байна" гэх дуудлага ирсэн байна. Өөрийгөө галдан шатаасан эрэгтэйг дөнгөж сая эмнэлгийн байгууллагад хүргэжээ. Харин хэргийг Сүхбаатар дүүргийн цагдаагийн нэгдүгээр хэлтэст хэрэг бүртгэл нээн шалгалтын ажиллагаа явуулж байна. Одоогийн байдлаар өөрийгөө шатаасан иргэний биеийн байдал хүнд, ямар шалтгааны улмаас уг үйлдлийг хийсэн нь тодорхойгүй байна. 

          Ташрамд дурдахад, өнгөрсөн оны хоёрдугаар сард 34 настай, эрэгтэй Э нь өөрийгөө галдан шатааж, амиа егүүтгэж байсан харамсалтай хэрэг гарч байсан билээ. Иймд иргэн та бүхнийг болзошгүй аюулаас сэрэмжтэй байхыг анхааруулж байна.