Шатахууны хомсдол үүсэж, монголчууд өнгөрсөн долоо хоногт хонон өнжин ШТС-ын гадна талбайд дугаарласан. Хорин мянган төгрөгт шатахуун авахын тулд 2-10 километр газарт дугаарлаж байж шатахуунтайгаа залгасан.

     Өнөөдөр ч шатахууны хомстол бүрэн арилаагүй, хязгаарлалттай өгсөн хэвээр байгаа. Тэгвэл шөнөжин дугаарлаж авсан 20 мянган төгрөгийн шатахуунаараа иргэд нүүрсэндээ дугаарлаж эхэллээ. Цас орж, цаг агаар хүйтэрсэн тул гэр хорооллын иргэд нүүрсний эрэлд гарчээ. Одоогийн байдлаар 40 цэгт сайжруулсан шахмал түлш борлуулж эхлээд байгаа гэдэг мэдээллийг албаныхан өгсөн. Харин ирэх аравдугаар сарын 1-нээс 600 цэг ажиллах төлөвлөгөө гаргасан гэнэ. Харамсалтай нь, анхны цас хаялж эхэлсэн энэ өдөр нүүрс борлуулж эхэлсэн 40 цэг гэр хорооллын иргэдэд хангалттай хүрэлцэхгүй, дугаарлалт үүсгэж эхэллээ. Нүүрс борлуулж байгаа 40 цэг хаанаа ч хүрэхгүй, иргэд өдөр, шөнөгүй дугаарлаж зургаан шуудай нүүрстэй болох бололтой. Хэрэв сайжруулсан түлшийг өчигдрөөс биш, өнгөрсөн долоо хоногоос борлуулж эхэлсэн бол өнөөдөр ийм хэмжээний түгжрэл, бухимдал үүсэхгүй байлаа. 

Монголчууд түгжрэл, дараалалд цаг барж байгаан тод жишээ энэ юм.  

Нүүрс авахаар дугаарлаж байгаа иргэд. Сонгинохайрхан дүүрэг 2021.09.28