Сүхбаатар дүүрэг, 32 тойргийн ойролцоо зам тээврийн осол гарчээ.

Тодруулбал, өнөөдөр буюу есдүгээр сарын 13-нд согтуу жолооч замын хашлага мөргөж, ослын газраас зугтаажээ.

Энэ талаар тухайн үед байсан жолоочоос тодруулахад "Би хүүхдээ сургуулиас нь аваад гэр рүүгээ явж байсан юм. Гэтэл 14:00 цагийн үед эсрэг урсгалаас улаан өнгийн "Приус-30" маркийн автомашин ирж, замын голд байх хашлагыг мөргөөд, зугтаачихсан. Тус жолооч согтуу байсан. Ослын улмаас хүн бэртээгүй ч хоёр машин өртлөө. Манай машины ард хэсэг замын хашлагад дарагдсан. Миний ард явж байсан жолооч осол гаргасан машины дугаарыг харсан байна лээ. Одоогийн байдлаар цагдаагийн алба хаагчид ослын газарт ажиллаж байна" гэв.