• Өнөөдөр 2024-03-29

ЭЕШ-д 800 оноо авсан сурагчдад тэтгэлэг олгоно

2021-06-16,   4019

      УИХ-ын гишүүн С.Бямбацогт элсэлтийн ерөнхий шалгалтад  800 оноо авсан Ховд аймгийнхаа сурагчдад сургалтын төлбөрийг бүтэн олгохоор болжээ. Ховд аймгийн хэмжээнд энэ онд нийт 1100 гаруй сурагч ерөнхий боловсролын сургууль төгсөж байгаа. Иймээс энэ жил элсэлтийн ерөнхий шалгалт өгөөд 800 оноо авсан бүх сурагчид нэг жилийн сургалтын төлбөрийг 100 хувь олгоно гэж УИХ-ын гишүүн С.Бямбацогт өөрийн цахим хуудсаар дамжуулан олон нийтэд танилцууллаа.

     Мөн тус шалгалтад хамгийн өндөр оноо авсан 20 хүүхдэд тус бүр 1.0 сая төгрөгийн урамшуулал олгох аж.  Одоо элсэлтийн ерөнхий шалгалтын үйл ажиллагааг зохион байгуулахад 14 хоногийн хугацаа үлдээд байна. Монгол Улсын хэмжээнд их, дээд сургуульд элсэгчдийн сурах ерөнхий чадвар, мэдлэгийн түвшин тогтоох зорилгоор жил бүр элсэлтийн ерөнхий шалгалт зохион байгуулдаг. Тэгвэл 2021 оны элсэлтийн ерөнхий шалгалтыг өгөхөөр Ховд аймгийн хэмжээнд 1200 гаруй суралцагч бүртгүүлжээ.


ЭЕШ-д 800 оноо авсан сурагчдад тэтгэлэг олгоно
АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0
Шинэ мэдээ
Нийтлэлчид
Монгол Улс, Улаанбаатар хот, Сүхбаатар дүүрэг, VIII хороо, "Ардын эрх"-ийн байр, Гуравдугаар давхарт Эргэлт.мн редакц
7509-1188