Эрүүл мэндийн сайд С.Энхболдоос коронавирусийн халдварын нөхцөл байдлын талаар тодрууллаа.

-Сүүлийн өдрүүдэд коронавирусийн халдвар авсан хүний тоо эрс нэмэгдэж байна. Халдвар яагаад ийм эрчимтэй тархаад байна вэ. Эрүүл мэндийн яамнаас ямар арга хэмжээ авч ажиллаж байгаа талаар та мэдээлэл өгөхгүй юү?

-Ямар хариу арга хэмжээ авч байгаа нь манай штаб дээр яригдаж, төлөвгөөний дагуу бүх ажил явагдаж байгаа. Халдвар авсан хүний тоо нэмэгдэж байгаа нь илрүүлэг сайн байгаагийн хэрэг. Ерөнхийдөө хавьтлуудаас халдвар илэрч байгаа гэж ойлгож болно. Бид шаардлагатай арга хэмжээг цаг алдалгүй авч ажиллаж байгаа. Хавьтал их байгаа нь халдвар гарах магадлал нэмэгдэж байна гэсэн үг.

-“Нэг хаалга-Нэг шинжилгээ” үр дүнтэй байна гэж харж байна уу?

-Үр дүн сайтай байгаа шүү дээ. Хамгийн гол вакцинжуулалт эхлэхээс өмнө иргэдээ шинжилгээнд хамруулна гэдэг чинь том ажил юм. Дүүрэг дүүргийн иргэдээ шинжилгээнд хамруулж, вакцинжуулалт төлөвгөөний дагуу хийгдэнэ.

-Вакцинжуулалт удаашралтай байна гэх хүн олон байна?

-Төлөвгөөний дагуу, зохих шат дараалалтайгаар зохион байгуулагдаж байгаа.

-Өмнөх сайдын үед хийгдэж байсан ажлууд үргэлжилж байгаа юу?

-Өмнө авч байсан арга хэмжээ, ажил хуулийн дагуу үргэлжилж байгаа. Мөн шинээр эхлүүлэх ёстой ажлуудыг эхлүүлчихсэн явж байна. Цаашид ч хийх ёстой ажлаа хуулийн дагуу хийх болно.