Монгол Улс коронавирусийн халдварыг дотооддоо алдаж, хөл хорио тогтоогоод байгаа билээ. Үүнээс улбаатайгаар өргөн хэрэглээний барааны үнэ болон эм, эмнэлгийн хэрэгсэл, амны хаалтны үнэ нэмэгдэх вий гэх болгоомжлол иргэдийн дунд бий. Иймээс дотооддоо эмийн үйлдвэрлэл эрхэлдэг "Мөнхийн тун" ХХК-ийн ажилтнаас зарим зүйлийг тодрууллаа.

-Иргэд амны хаалт худалдан авах нь  ихэссэн. Түүхий эдийн нөөц хангалттай байгаа юу?

-"Мөнхийн тун" ХХК нэг удаагийн амны хаалтыг үйлдвэрлэлийн гурван шугамаар 24 цагийн турш тасралтгүй үйлдвэрлэн ажиллаж байна.

Иргэд өдөр тутмын хэрэглээндээ нийцүүлж буюу өдөрт 1-3  ширхэг амны хаалт худалдан авах тохиолдолд бид бүтээгдэхүүний тасалдал үүсгэхгүй ажиллах бүрэн боломжтой. Тиймээс зохиомол хомсдол үүсгэхгүй байх тал дээр хүн бүр хариуцлагатай хандах ёстой.

  -Шаардлагатай нөхцөлд төрийн болон хувийн хэвшлийн байгууллагуудыг халдвар хамгааллын бусад хэрэгслээр хангах боломж танай компанид бий юү

 -Төрийн болон хувийн хэвшлийн байгууллагуудыг, тэр дундаа эрүүл мэндийн салбарт үйл ажиллагаа явуулж буй байгууллагуудыг халдвар хамгааллын хэрэгслээр нэн тэргүүнд ханган ажиллах зорилгоор 24 цагаар тасралтгүй ажиллаж байна. "Мөнхийн тун" ХХК-ийн үйлдвэрлэл хэвийн явагдаж байгаа бөгөөд тасалдал үүсгэхгүй байх зорилгоор түүхий эдийг татан авалт зэрэг асуудлыг тухай бүрд нь шийдвэрлэн бүтээгдэхүүний нөөц бүрдүүлэхээр эрчимтэй ажиллаж байгаа.