Төгрөгийн 50 мянгатын мөнгөн дэвсгэрт хэрэглээнд гарах тухай мэдээлэл цахим сүлжээнд түгээд байна. Үүнтэй холбоотойгоор 50 мянгатын мөнгөн дэвсгэрт нэвтэрвэл бараа, бүтээгдэхүүний үнэ огцом өсөх эрсдэлтэй байгааг анхааруулж байгаа. Тэгвэл уг асуудлаар Монголбанкны хэвлэлийн төлөөлөгч Д.Оргилтой холбогдож тодрууллаа.

                               Тэрбээр “50 мянгатын мөнгөн дэвсгэрт үйлчилгээнд нэвтрүүлэх үндсэн чиглэлээ танилцуулж, судалгааны түвшинд явж байгаа. Одоогоор гүйцэтгэлийн түвшинд ямар нэгэн шийдвэр гараагүй” гэв.

Ташрамд дурдахад,  Монгол Улс 10-1000 төгрөгийн дэвсгэртийг 1993 онд хэвлүүлжээ. Харин 5000 төгрөгийн дэвсгэртийг 1994, 10 мянган төгрөгийн дэвсгэртийг 1995, 20 мянгатын дэвсгэртийг 2006 онд тус тус хэвлүүлж байв.