Ханхүү Филипп хэдхэн хоногийн өмнө хорвоогийн мөнх бусыг үзүүлсэн билээ. Хатан хаан II  Элизабет нөхөр Филипптэйгээ найман настайдаа танилцаж анхны харцаар дурлалцаж, насан өөд болтол буюу 100 нас хүртлээ хамтран амьдарчээ. Элизабет 13 настайдаа, Филипп 18 настайгаасаа тэд захидлаар харилцсан бөгөөд хатан хаан Филиппын булшин дээр үлдээсэн захидал нь тэдний сүүлчийн захидал болжээ. Өнөөдөр хатан хаан Элизабет 95 нас хүрч байна. Ханхүү Филипп эхнэрээ “Миний Лилибет” хэмээн өхөөрдөн дууддаг байсан бөгөөд гэрлэхээсээ өмнө эл хайрын захидлыг сийрүүлсэн байна.

       Энхрий Лилибет минь. Чи миний хувьд хэн бэ гэдгийн илэрхийлэхэд үгс хангалттай эсэхэд эргэлзэж байна. Хэн нэгний хошин шогийн мэдрэмж, хөгжмийн сонсгол, хэрхэн мэдрэгдэж буйг нь хүртэл энхрийлнэ гэж байх уу. Би олон зүйлд итгэлтэй байдаггүй ч би тэдний төлөө бусдын төлөө бурханд талархан буйгаа мэдэрч байна. Хамгийн даруухнаар би Лилибет болон бидний төлөө бурханд талархаж байна.

Ямар нэг нөхцөлд хязгаарлагдахгүйгээр хэн нэгэнд дурлах нь асуудлыг жижигхэн, ялимгүй харагдуулах юм. Миний доторх дуу хоолой үргэлж л “Юунд ч зориглосонгүй, юу ч олж авч чадаагүй” гэж хэлдэг. Гэхдээ би аз туршсан, гайхалтай цаг хугацааг олж авсан. Өөрийнхөө мэдэрч буй талархлыг танд даанч харуулж чадахгүй байна. Мөн түүнийгээ зөв үгээр ч илэрхийлж чадахгүй байна.

Лилибет, чи минь миний хувьд энэ ертөнц дээрх жинхэнэ үнэн, орь ганц зүйл. Миний зорилго бол бид нэгдэж нэг оршихуй болох юм. Бидний эсрэг чиглэсэн зүйлсэд хариу өгөх бус сайн сайханд зориулсан эерэг оршихуй бүтээхийн төлөө явна энхрий Лилибет минь.