Энэ жилийн Playtime наадам Налайх дүүрэгт долдугаар сарын 4-нээс зохион байгуулагдаж, өнөөдөр сүүлийн өдөр нь болж байна. Үүнтэй холбогдуулан бид Playtime наадмын онцгой зочдыг онцолж байна.

-ХӨГЖИМД ХАЙРТАЙ ЗАЛУУ ГЭР БҮЛ-

            Охиндоо чихэвч зүүлгээд “Playtime”-ийг зорин ирсэн нэгэн гэр бүл яах аргагүй тус наадмын онцгой зочдын нэг байлаа. Зургийн аппарат, аяны цүнх, нарны шил гээд тэд цаанаа нэг энэ наадмын хүлээн зорьж ирсэн нь харагдаж байв. Энэ наадмыг ихэвчлэн залуус зорьдог бөгөөд тэдний хувьд амьд хөгжмийн ахуйд эрх чөлөөг мэдэрдэг өдрүүд юм. Тэгвэл залуу гэр бүлүүд мөн зорин ирсэн нь ийн олны анхаарлыг татаж буй юм.

-АЗ ЖАРГАЛ ДҮҮРЭН ҮЗЭГЧИД-

      “Playtime” наадмын үзэгчид, наадамчид найз нөхдөөрөө хамгийн жаргалтай мөчийг инээлдэж, хамт өнгөрүүлж буй. Магад тэдний хамгийн жаргалтай, хөгжилтэй, юуг ч бодохгүйгээр өөрсдийнхөөрөө оршдог үеийнх нь дурсамж гэвэл гарцаагүй PLAYTIME-ийг нэрлэх байх. Үүнийг доорх зочдын инээмсэглэл, хайр дүүрэн мөчийн зурагнаас үзээрэй.

Хүсэн хүлээсэн Playtime-ийн жаргал дүүрэн мөч. 

Алив ээ, хамтдаа хамгийн аз жаргалтайгаар бүжиглэе.

-СОДОН ХУВЦАСЛАЛТ-

       Энэ наадмын нэгэн онцлог нь онцгой содон хувцаслалт. Ихэвчлэн гартаа шивээстэй, уруулаа хараар будсан, өнгийн үс, жинсэн өмд, сул цамц, зурагтай богино цамц, задгай плаж, кэйтээр гоёсон байна. Эдгээрээс сонирхолтой, содон хувцаслалтыг дор зургаар хүргэж байна.

Улаан үс, улаан цамц, улаанаар будсан уруул...