Хүүхдүүд нь цэцэрлэгтээ дасаагүй, сургуулийн хичээл ч жигдрээгүй, вакцины дархлаа тогтоогүй гээд эцэг, эхчүүдийн хувьд нэг л тийм жигдэрч өгөхгүй хүнд өдрүүд өнгөрч байна. Уг нь одоо хорь гаруй хоног л тэсчихвэл бүх зүйл жигдэрч, дасна. Өөрөөр хэлбэл, шинээр цэцэрлэгт хамрагдсан хүүхдүүд цэцэрлэгтээ дасаж, хүүхдүүдийн хичээл, ном жигдэрч, вакцины дархлаа тогтох нь. Жил бүрийн есдүгээр сарын эхний үе иймэрхүү хүндхэн өнгөрдөг болохоор энэ үеийг л давчихвал бүх зүйл эмчх цэгцэндээ орж, учир нь олдоно. Энэ үе бол эцэг, эхчүүдийн хувьд эмзэг, хүнд үед байдаг. Амралт дуусаж, арай гэж ажилдаа анхаарлаа хандуулах гэтэл хүүхдүүдийн хичээл сургууль гээд бөөн асуудал урган гарна. Асуудлыг нь шийдэж, цэцэрлэг, сургуульд нь оруултал, дахиад л дасах, жигдрэх асуудал гарч ирнэ. За тэгээд оны эцсийн тайлан тооцооны цаг ч эхэлнэ. Ёстой л нэг хамаг ажил овоорч, асуудал нв дэлгэрсэн үе бол энэ.

Гэхдээ л ийм нэг өдрүүдийн дараа бүх зүйл хэвийн болж, жигдэрнэ гээд тэсэх хэрэгтэй. Ард нь гарах хэрэгтэй шүү, эцэг, эхчүүд ээ.

    Тун удахгүй асуудлууд жигдэрч, учир нь олдоно. Мөн ханиад томууны улирал ирж байгаатай холбоотойгоор хүүхдүүдийнхээ дархлааг урьдчилан дэмжиж, дархлаа дэмжих хоол унд, амин дэм сайн өгөх хэрэгтэй. Тэгж гэмээнэ асуудал нэмж гарахгүй тогтворжиж, ажилдаа санаа амар анхаарлаа хандуулна. Тэгэхгүй бол хүүхдүүд ханиад, томуу хүрчихвэл хичээлдээ явахгүй, гэрт харах хүнгүй болж, давхар ажил ч цалгардана. Тэгээд юун ажил жигдрэх, дахиад зуун задгай болж, бухимдал үүснэ. Тиймээс энэ 21 хоногт тэсээрэй, эцэг, эхчүүд ээ.