Л.Өлзийтөгсийн зохиол “Бүсгүйн зурвас” жүжгийг ирэх есдүгээр сард Улсын драмын эрдмийн театрын тайзнаа дахин тавихаар болжээ. Тус жүжиг Төрийн соёрхолт Н.Наранбаатарын  найруулгаар 2019 онд тайзнаа тавигдаж байсан юм. Нийгэм, уянгын драмын гэдгээрээ онцлог энэхүү жүжиг нь хоёр өөр орчинд хүн болж өсчихөөд, бие биендээ уусан нэгдэх бэрхшээлийн тухай өгүүлдэг. Мөн хайр сэтгэл цэцэглэж, мөн үгүй болдог гэсэн санааг дэвшүүлсэн.