Хөл хорионы үед гэрээсээ бүтээмжтэй ажиллахын тулд орчноо бүрдүүлэх нь хамгийн чухал. Гэрээсээ ажиллаж буй энэ хугацаанд ажиллах орчноо шинэчилж, тухтай болгоорой. Гэрийнхээ нэг буланг шинэчилж, бүтээмжтэй ажиллах цэг болгон тохижуулахад тань туслах зургаан санааг хүргэж байна.

“Минимал” хэв маяг

Залуус минимал амьдралыг хэв маягийг эрхэмлэх болсон билээ. Минимал хэв маягаар ширээгээ бүрдүүлэхэд цулгуй ваартай цэцэг, компьютер, тэмдэглэлийн дэвтэр, энгийн загвартай жаззтай зураг, үзэг байхад л хангалттай. Гэхдээ гурваас дээш өнгийг бүү ашиглаарай.

“Арти” хэв маяг

Таны үзсэн сонирхолтой үзвэрийн тасалбар, дуртай уран бүтээлчийн тань бүтээл, ил захидал, зурагт хуудас зэрэг бүтээлч байдлаар хүссэнээрээ чимэглэж болно.

“Винтаж” хэв маяг

Хэрэв та “Винтаж” хэв маягийг эрхэмлэдэг бол ажлын орчноо ном болон жаззтай зураг, өвөө эмээгээс өвлөгдсөн радио, авдар, цаг, жаазтай зураг зэрэг хуучны хэв маягийг ашиглан тохижуулаарай.

Цонхтой ширээ

Хэрэв та романтик төрлийн хүн бол ширээгээ цонхтойгоо тулгаж, гадаад орчинг ажиглангаа бүтээмжтэй ажиллаж болно. Ингэснээр гадаа цас орохыг ажиглан сэтгэлээ сэргээж, ажлын бүтээмж тань ч нэмэгдэнэ . Мэдээж шинэ жилийг санагдуулам жижигхэн чимэглэлээр ширээгээ гоёвол баярын уур амьсгалыг мэдрэхэд илүү тустай.

Цэцгээр чимэглэх

Хэрэв та Швейцар хэв загварт дуртай бол орчноо ногоон ургамал болон байгалийн гаралтай модон чимэглэлээр чимэглээрэй.

Ажлын ширээ шиг орчинг бүрдүүлэх

 Хайртай хүний тань зураг, эсвэл дуртай зургаар ширээгээ чимж, ажлын хуанлийгаа ширээндээ тавин ажлын ширээ шиг орчноо бүрдүүлбэл илүү үр бүтээлтэй ажиллах боломжтой.