ДЭМБ цар тахлаас урьдчилан сэргийлэх зөвлөмжөөс гадна бусад орон иргэддээ хоол хүнсээр дамжуулан дархлаагаа хэрхэн дэмжихийг зөвлөж буй. Тус зөвлөмжийн заримаас хүргэж байна.

ОХУ

Оросууд цар тахлын эрсдэлтэй үед дархлаагаа дэмжих үүднээс хүнсний ногоо, шинэ ногоо ихээр хэрэглэх хэрэгтэй. Амин дэм, эрдэс бодис ихээхэн чухал юм. Цар тахлын үед лаазалсан хүнс, түргэн хоол, шарсан хуурсан хүнс бага хэрэглэхийг зөвлөж байна. Эдгээр хүнс нь дархлаа сулруулж болзошгүй. Чихэрлэг хүнс хэрэглэх нь дархлаанд сөргөөр нөлөөлдөг тул зайлсхийх хэрэгтэй. Ахмад настнууд уг өвчнөөр өвчлөх магадлал их тул хүнсэндээ амин дэм, уураг ихтэй хүнс хэрэглэх хэрэгтэй.

Япон Улс

Өдөр бүр эрдэс, уураг ихтэй шинэ хүнс хэрэглэж, ус их хэмжээгээр уух хэрэгтэй. Жимс, хүнсний ногоо, буурцаг, үр тариа, өндөг, мах, сүүгээр хооллоорой. Элсэн чихэр, давс ихтэй хоол хэрэглэхээс зайлсхий. Гэхдээ жимс ногоог хэтрүүлж болохгүй. Амин дэм нь алдагдах магадлалтай. Аль болох давсны агууламжгүй хүнс сонгож хэрэглээрэй.

БНСУ

Унтаж амрах- Хангалттай унтаж амрах хэрэгтэй. Сайн амрах нь сэтгэл санаа эерэг, тайван байлгах үндэс болдог.

Дасгал хөдөлгөөн сайн хий -Дасгал хөдөлгөөн хийх нь хүний сэтгэл санаанд эерэгээр нөлөөлдөг.

Зөв хооллолт – Сэтгэл санаа тогтворгүй үед хоолны дуршилгүй болдог талтай. Энэ үед хүний дархлаа сулардаг тул ямар ч үед шим тэжээлтэй, сайн хоол хүн хэрэглэх хэрэгтэй.

Өөртөө анхаарал тавих- Энэ тогтворгүй байдал үүрдийнх биш учир өөртэйгөө түрхэн зуур ярилцаж, бясалгаж хийж, сэтгэл зүйгээ тогтвортой байлгах хэрэгтэй.

БНХАУ

Эрүүл тэжээллэг хүнс хэрэглэж, бие бялдар, сэтгэл зүйгээ эрүүл байлгах хэрэгтэй. Бие махбодио сайн арчлахын тулд хангалттай шим тэжээлтэй хоол идэх хэрэгтэй. Витамин С, Д сайн хэрэглэх нь дархлааг дэмжих үндэс болдог. Цайр хүнсэндээ хэрэглэх хэрэгтэй.

АНУ

1. Эрүүл хоолны дэглэмийн дагуу дархлаагаа дэмжих

Жимс ногооны хэрэглээг нэмэгдүүлж, халдвараас сэргийлэгч витамин А, С болон антиоксидант баялаг хүнсний бүтээгдэхүүн хэрэглэх.

2. Удаан хадгалдаг хүнсний бүтээгдэхүүний хэрэглээг бууруулах

Гурил, будаа, гоймон ихээр хэрэглээнээс илүүтэй жимс, хүнсний ногоо хэрэглэх нь тохиромжтой.

3. Худалдан авалт хийхдээ зөвхөн өөрт шаардлагатай бүтээгдэхүүнийг сонгох

Ингэснээр хүнсний бүтээгдэхүүн муудах, илүүдэл үүсгэхээс сэргийлэх бөгөөд бусад хүмүүсийг өөрийнхөө оронд тавьж үзэж, худалдан авалт хийгээрэй.

4. Хоолны үлдэгдлээ бүү хая

Хэрвээ их хэмжээний хоол бэлтгэсэн бол түүнийгээ хаяхгүй хөлдөөгчид хийн хадгалж, хаягдал бага гаргаарай.

5.  Их хэмжээний ус уугаарай.

Дархлаагаа дэмжиж, амны цангаагаа тайлах үүднээс өдөрт хамгийн багадаа хоёр литр ус уугаарай.

6. Төсвөө хянаарай

Цар тахлын үед та санхүүгээ асуудалгүй барих зорилгоор чихэрлэг, хийжүүлсэн ундааг усаар солих, жигнэмэг амттаны оронд жимс ногоо хэрэглээрэй. Ингэснээр мөнгө хэмнэхээс гадна, өөрийн эрүүл мэндээ анхаарч байгаа чухал алхам юм.

7. Хүүхэдтэйгээ хамт хоол хийгээрэй

Хүүхдийг багаас нь эрүүл, зөв хооллох дадал зуршилд суулгахын тулд энэ үеийг ашиглаж хамтдаа хоол хийж идээрэй. Амттай, эрүүл бөгөөд хүүхдүүдтэйгээ өнгөрүүлэх үнэт цаг болно.