“Катар–2020” ДАШТ болон ААШТ-ий урьдчилсан шатны тоглолтууд үргэлжилж байна.

Монгол Улсын хөл бөмбөгийн Үндэсний шигшээ баг ДАШТ болон ААШТ-ий урьдчилсан шатны тоглолтуудын хүрээнд маргааш буюу гуравдугаар сарын 25-нд Тажикстан Улсын шигшээ багтай тоглох хуваарьтай байна.

Манай Үндэсний шигшээ баг Турк Улсын Анталъяа хотод гурван долоо хоногийн турш бэлтгэл хийж, Украйн, Турк, ОХУ зэрэг улсуудын багтай нийт таван удаагийн нөхөрсөг тоглолтод оролцсон.

Улмаар Туркын Анталъяа дахь бэлтгэл нь дуусаж Тажикстан Улсын Душанбед хотод ДАШТ болон ААШТ-ий урьдчилсан шатны ээлжит тоглолтдоо оролцохоор очоод байгаа юм.

Уг тоглолтын дараа Япон Улсын хөл бөмбөгийн шигшээ багтай тоглохоор болжээ.

О.БАТ-ЭРДЭНЭ