Монгол Улсын Ерөнхийлөгчийн ивээл дор жүдо бөхийн Улаанбаатарын “Их дуулга” тэмцээн энэ сарын 19-21-ний өдрүүдэд  Монгол Улсад болно. Энэ удаагийн “Гранд слам” нь “Лос Анжелос-2028" зуны олимпын наадмын оноо олгох анхны тэмцээн гэдгээрээ онцлогтой.  “Улаанбаатар-2026”  их дуулга тэмцээнд  дэлхийн 59 орны эрэгтэй 257, эмэгтэй 204,  нийт  461 тамирчин барилдах урьдчилсан мэдүүлэг өгөөд байна.  Олимпын наадмын чансааны оноог  “Улаанбаатар-2026” -гаас олгож эхэлж байгаа гэдгээр олимпын таван аварга,  дэлхийн 25 аварга тамирчин, 461 тамирчныг манлайлан Улаанбаатарын татамид өрсөлдөнө.

ЭРЭГТЭЙЧҮҮДИЙН 60 КГ-ЫН ЖИНД

    Эрэгтэйчүүдийн 60 кг-ын жинд 32 тамирчин барилдах мэдүүлэг өгөөд байна. Манай улсаас Монгол Улсаа төлөөлж Б.Сүхбат, Н.Мэндсайхан, Т.Түмэнжаргал, Э.Ариунболд нар өрсөлдөнө. Энэ жинд олимп, дэлхийн медальтан Тайванийн YANG Yung Wei, Японы Ryuju NAGAYAMA, Гүржийн Giorgi SARDALASHVILI, Өмнөд Солонгосын LEE Harim, Францын Luka MKHEIDZE, Азербайжаны AGHAYEV Balabay, Ahmad YUSIFOV, Израилийн Izhak ASHPIZ, Украины Dilshot KHALMATOV,  Artem LESIUK, Нидерландын Emiel JARING, Узбекистаны  Doston RUZIEV  нарын шилдгүүд байна.

ЭРЭГТЭЙЧҮҮДИЙН 66 КГ-ЫН ЖИНД

    Эрэгтэйчүүдийн 66 кг-ын жинд 35 тамирчин барилдана. Манай улсаас ОУХМ Б.Эрхэмбаяр, ОУХМ К.Ёолк, залуу тамирчин Т.Төрболд, Ө.Жанцандорж нар өрсөлдөнө.  Тус жинд  Японы Takeshi TAKEOKA , Францын  Daikii  BOUBA, ОХУ-ын Murad  CHOPANOV,  Ramazan ABDULAEV, Испанийн David GARCIA TORNE, Азербайжаны  Ruslan PASHAYEV, Өмнөд Солонгосын  KIM Channyeong, Финландын Luukas SAHA, Казахстаны  Nurkanat SERIKBAYEV  нарын амаргүй өрсөлдөгчид байна.

ЭРЭГТЭЙЧҮҮДИЙН 73  КГ-ЫН ЖИНД

    Эрэгтэйчүүдийн 73 кг-ын жинд 40 тамирчин барилдана. Манай улсаас  ОУХМ О.Уранбаяр, ОУХМ Л.Анхзаяа, залуу тамирчин А.Өсөхжаргал, Л.Энхдөл нар өрсөлдөнө. Тус жинд Азербайжаны Hidayat  HEYDAROV , Гүржийн Lasha SHAVDATUASHVILI,  Японы Ryuga TANAKA,  АНЭУ-ын MAKHMADBEKOV Makhmadbek, ОХУ-ын Danil  LAVRENTEV,  Италийн Manuel  LOMBARDO,  Giovann ESPOSITO, Азербайжаны Rashid  MAMMADALIYEV  нарын шилдгүүд байна.

ЭРЭГТЭЙЧҮҮДИЙН 81  КГ-ЫН ЖИНД

    Эрэгтэйчүүдийн 81 кг-ын жинд 42 тамирчин барилдана. Манай улсаас Ж.Энхтөр, Г.Түвдэнренчин, Б.Шинэтулга, О.Шинэбаяр нар барилдана. Энэ жинд Японы Yuhei OINO, ОХУ-ын Timur ARBUZOV, Бельгийн Matthias CASSE, Азербайжаны Zelim TCKAEV, Өмнөд Солонгосын LEE Joonhwan, Италийн Antonio ESPOSITO, АНЭУ-ын Nugzari TATALASHVILI  нарын амаргүй өрсөлдөгчид байна.

ЭРЭГТЭЙЧҮҮДИЙН 90  КГ-ЫН ЖИНД

    Эрэгтэйчүүдийн 90 кг-ын жинд 40 тамирчин барилдана. Манай улсаас Б.Баяндүүрэн, Х.Булганхүү, Д.Ууганбилэг, А.Оджавхлан нарын залуу тамирчид өрсөлдөнө. Тус жинд Японы Sanshiro MURAO, Өмнөд Солонгосын KIM Jonghoon, Сербийн Nemanja MAJDOV, Францын Maxime-Gael NGAYAP HAMBOU, ОХУ-ын LORSANOV Mansur,  ANDONI Egor, Нидерландын Frank DE WIT нарын хашир туршлагатай тамирчид байна.

ЭРЭГТЭЙЧҮҮДИЙН -100  КГ-ЫН ЖИНД

     Эрэгтэйчүүдийн -100 кг-ын жинд 38 тамирчин барилдана. Манай улсаас О.Лхагва-Очир, Ц.Ган-Эрдэнэ, Б.Хүдэрчулуун, Б.Алтангэрэл нар өрсөлдөнө. Тус жинд Азербайжаны Zelym KOTSOIEV, Гүржийн Ilia SULAMANIDZE, Испанийн Nikoloz SHERAZADISHVILI,  ОХУ-ын Arman ADAMIAN, Нидерландын Simeon CATHARINA,  Унгарын VEG Zsombor нарын шилдгүүд байна.

ЭРЭГТЭЙЧҮҮДИЙН +100  КГ-ЫН ЖИНД

     Эрэгтэйчүүдийн +100 кг-ын жинд 30 тамирчин барилдана. Манай улсаас МУГТ Ө.Дүүрэнбаяр, ОУХМ Г.Алтанбагана, Ө.Пэрэнлэйжамц, Г.Хангарьд нар өрсөлдөнө. Тус жинд Чехийн Lukas KRPALEK, ОХУ-ын Inal TASOEV, Өмнөд Солонгосын KIM Minjong,  Японы Kanta NAKANO, Гүржийн Irakli DEMETRASHVILI, Нидерландын Jur SPIJKERS нарын шилдгүүд барилдах юм.

ЭМЭГТЭЙЧҮҮДИЙН 48  КГ-ЫН ЖИНД

    Эмэгтэйчүүдийн 48 кг-ын жинд 30 тамирчин барилдана.  Манай улсаас МУГТ Б.Баасанхүү, Г.Наранцэцэг, Ж.Анударь, Г.Булган нар барилдана. Тус жинд Францын Shirine BOUKLI,  Испанийн Laura MARTINEZ ABELENDA, Японы KOGA Wakana, Нидерландын Amber GERSJES, Португалийн Catarina COSTA, ОХУ-ын Sabina GILIAZOVA, Чилийн  Mary Dee VARGAS LEY нарын шилдгүүд байна.

 ЭМЭГТЭЙЧҮҮДИЙН 52  КГ-ЫН ЖИНД

     Эмэгтэйчүүдийн 52 кг-ын жинд 30 тамирчин барилдах мэдүүлэг өгөөд байгаа. Манай улсаас ОУХМ М.Нандин-Эрдэнэ, ОУХМ Ц.Гал-Од, ОУХМ О.Оюунчимэг, залуу тамирчин Б.Уранзаяа нар барилдана. Тус жинд Японы ABE Uta, АНЭУ-ын Б.Хорлоодой, Италийн Odette GIUFFRIDA, Германы Mascha BALLHAUS, Испанийн Ariane TORO SOLER, Францын Blandine PONT, Унгарын PUPP Reka, Roza GYERTYAS,  Израилийн Gefen PRIMO, Польшийн Aleksandra KALETA нарын шилдгүүд байна.

ЭМЭГТЭЙЧҮҮДИЙН 57  КГ-ЫН ЖИНД

     Эмэгтэйчүүдийн 57 кг-ын жинд 30 тамирчин барилдах мэдүүлэг өгсөн байгаа. Манай улсаас ОУХМ Т.Ариунзаяа, ОУХМ М.Цэндбазар, ОУХМ Л.Сосорбарам, ОУХМ Э.Номинтуяа нар барилдана. Тус жинд Өмнөд Солонгосын HUH Mimi, Японы Akari OMORI, Францын Faiza MOKDAR,  Sarah Leonie CYSIQUE , Германы Seija BALLHAUS, Израилийн  Timna NELSON LEVY, Италийн  Veronica TONIOLO  нарын шилдгүүд барилдана.

ЭМЭГТЭЙЧҮҮДИЙН 63  КГ-ЫН ЖИНД

    Эмэгтэйчүүдийн 63 кг-ын жинд 28 тамирчин барилдах мэдүүлэг өгсөн байгаа. Манай улсаас энэ жинд  МУГТ Л.Энхрийлэн, ОУХМ Б.Ганхайч, Х.Маралмаа, Г.Энхжин нар барилдана. Тус жинд Японы Haruka KAJU, Хорватын Iva OBERAN, Нидерландын Joanne VAN LIESHOUT, Францын Manon DEKETER, Австрийн Lubjana PIOVESANA, Германы Friederike STOLZE, Израилийн Kerem PRIMO, Өмнөд Солонгосын KIM Jisu, Польшийн Natalia KROPSKA, Италийн Carlotta  AVANZATO нарын шилдэг тамирчид өрсөлдөх юм.

ЭМЭГТЭЙЧҮҮДИЙН 70  КГ-ЫН ЖИНД

 Эмэгтэйчүүдийн 70 кг-ын жинд 33 тамирчин барилдах мэдүүлэг өгөөд байгаа. Манай улсаас энэ жинд  У.Анужин, С.Лхагвадулам, Х.Буянжаргал, Ж.Дэлгэр нарын тамирчид барилдана. Тус жинд Японы Shiho TANAKA, ОХУ-ын Madina TAIMAZOVA, Хорватын Lara CVJETKO, Германы Miriam BUTKEREIT, Австралын Aoife COUGHLAN, Австрийн Michaela POLLERES, Италийн Irene  PEDROTTI,  Giorgia STANGHERLIN нарын шилдгүүд  өрсөлдөнө.  

ЭМЭГТЭЙЧҮҮДИЙН -78  КГ-ЫН ЖИНД

Эмэгтэйчүүдийн -78 кг-ын жинд 28 тамирчин барилдах мэдүүлэг өгсөн байна. Манай улсаас энэ жинд  ОУХМ О.Хүслэн, ОУХМ Б.Ням-Эрдэнэ,  А.Дуламсүрэн, Э.Буян-Өлзий, нар барилдана. Тус жинд Францын Audrey TCHEUMEO,  Германы Anna Monta OLEK, Alina BOEHM, Японы Kurena IKEDA,  Нидерландын Marit KAMPS  нарын шилдгүүд  өрсөлдөнө.

ЭМЭГТЭЙЧҮҮДИЙН +78  КГ-ЫН ЖИНД

Эмэгтэйчүүдийн +78 кг-ын жинд 25 тамирчин барилдах мэдүүлэг өгөөд байгаа. Манай улсаас энэ жинд ОУХМ  А.Адъяасүрэн,  ОУХМ Д.Номинзул, Э.Жаргалмаа, Э.Энхзул нар барилдана. Тус жинд Францын Romane DICKO , Японы Mao  ARAI,  Израилийн Raz HERSHKO, Хорватын Helena  VUKOVIC, Италийн Asya TAVANO, ОХУ-ын Elis STARTSEVA, Хятадын  AYIMAN Jinesinuer нарын шилдгүүд өрсөлдөнө.