“Айчи Нагоя 2026” Азийн 20 дахь удаагийн наадам хөшгөө нээлээ. Азийн тивийн шилдэг боксчид Япон Улсад нэг дор цуглаад байна. Нийт 34 орны эрэгтэй, эмэгтэй 200 боксчин, 11 жингийн ангилалд 12 өдрийн турш 2026 оны есдүгээр сарын 20-ноос аравдугаар сарын 2-ны хооронд өрсөлдөнө. Боксын спорт Азийн наадамд анх 1954 оны Манилагийн наадмаас багтаж эхэлсэн. Түүхэн дэх хамгийн өндөр амжилтуудын нэг 1986 оны Сөүлийн Азийн наадамд БНСУ-ын боксчид эрэгтэй 12 жингийн ангилал бүрт алтан медаль хүртэж гайхшруулж байлаа. Азийн боксын шинэ үе Японы рингэнд хүчээ сорих энэ үед Монголоос эмэгтэйчүүдийн 51 кг-ын жинд ОУХМ О.Есүгэн, 54 кг-д ОУХМ М.Энхжаргал, 60 кг-д ОУХМ  М.Намуун нар өрсөлдөнө. Харин эрэгтэйчүүдийн 55 кг-д Х.Билгүүнсайхан, 60 кг-д Г.Лундаа, 71 кг О.Бямба-Эрдэнэ нар эх орноо төлөөлөн хүч үзнэ. Өнөөдөр өглөө жин тус бүрийн сугалаа хийгдэж тоглолт бүрийг хуваарь тодорхой гарна.