Хятадын Жухай хотноо зохион байгуулагдаж буй 2025 оны өсвөрийн шатарчдын Зүүн Азийн аварга шалгаруулах тэмцээний үеэр Монголын шатрын холбоо болон БНХАУ-ын шатрын холбоо хамтын ажиллагааны санамж бичиг байгуулав.

      МШХ-ны ерөнхийлөгч Гомбожавын Занданшатарын санаачлагаар хоёр улсын шатрын холбоод тамирчид, дасгалжуулагчид, шүүгчид болон шатрын клубүүдийг дэмжих цогц хамтын ажиллагааны санамж бичигт гарын үсэг зурлаа.

     Монголын шатрын холбоог төлөөлж “ФИДЕ” делегат, МУГТ, их мастер А.Энхтуул, БНХАУ-ын шатрын холбоог төлөөлж дэд ерөнхийлөгч ноён Жан Айгуо нар оролцсон байна. Монголын шатрын холбооны хөгжлийн түүхэнд нэгэн чухал хуудас нээсэн үйл явдал байлаа.