Жүдо бөхийн дасгалжуулагч,  олон улсын шүүгч, ОУХМ  Лувсанцэрэнгийн Лувсандэмбэрэл энэ өдөр мэндэлжээ. Түүнийг жүдо бөх сонирхогчид дэлхийн залуучуудын аварга ОУХМ Л.Сосорбарамын багш гэдгээр нь андахгүй. ОУХМ Л.Лувсандэмбэрэл 1980-иад оны сүүлч, 1990 оны эхээр жүдо бөхөөр чамгүй амжилт гаргаж явсан нэгэн.

      Тэрбээр өсвөр үе, залуучууд, насанд хүрэгчдийн улсын аварга, Ази тивийн аваргын мөнгөн медальтай өсөх ирээдүйтэй тамирчин байв. Гэмтлийн улмаас барилдах боломжгүй болж дасгалжуулагчийн албанд шилжсэн. Тайланд болон Йемен Улсад дасгалжуулагчаар ажиллаж байв.   

        Монголдоо буцаж ирээд Баянхонгор аймагт дасгалжуулагчаар ажиллаж байсан. Тус аймагт найман жил ажилласан ажлын үр дүн нь гарч Монголын эмэгтэй жүдочдын залуучуудын анхны дэлхийн аварга тамирчныг төрүүлэн гаргасан билээ.