“Бангкок–Чонбури” Азийн танхимын болон тулааны спортын VI наадам цар тахлын улмаас болон "Парис 2024" олимпын бэлтгэл ажлаас шалтгаалан гурван удаа хойшилж, ирэх арваннэгдүгээр сарын 21-ээс 30-ны өдрүүдэд өрнөх товтой байсан билээ.

          Гэвч тус наадмыг Зохион байгуулах хороо нь Азийн олимпын зөвлөлтэй байгуулсан гэрээний дагуу тодорхой шаардлагуудыг биелүүлээгүйн улмаас хотын барилга байгууламж, санхүү, төсвийн хүрэлцээгүй байдлыг харгалзан наадмыг цуцлах шийдвэр гаргаснаа Азийн олимпын зөвлөлөөс зарлав. Дараагийн Азийн танхимын болон тулааны спортын наадам нь Саудын Арабын нийслэл Рияд хотноо зохиогдох бөгөөд товыг ойрын хугацаанд мэдэгдэнэ хэмээн мэдээллээ.