Манай улсап ахмад шатарчдын Ази тивийн аварга шалгаруулах тэмцээн болж байгаа билээ . Ахмад шатарчдын 13 дахь удаагийн Азийн аваргын тэмцээнд есөн орны 81 шатарчин +50, +65 гэсэн хоёр насны ангилалд оюун ухаанаа сорьж байна. Ази тивийн аварга шалгаруулах тэмцээний блиц буюу түргэн тоглолтын төрөл өчигдөр амжилттай болж өндөрлөсөн. Тус тэмцээний 50+ насны ангилалд Монгол Улсын шатарчин, “Цахилгаан дамжуулах үндэсний сүлжээ” ТӨХК -ийн тамирчин дэлхийн шатрын холбооны мастер Б.Баярмандах түрүүлж, Азийн аварга боллоо. Хоёрдугаар байрт спортын мастер Т.Алтан, гуравдугаар байрт шатрын их мастер Б.Хатанбаатар шалгарлаа.