Байт харвааны 2024 оны улсын аварга эхэллээ

2024-08-16, 337

Монголын байт харвааны холбоо энэ сарын 15-18-ны өдрүүдэд 2024 оны насанд хүрэгчдийн улсын аварга шалгаруулах нээлттэй тэмцээнээ зохион байгуулж байна. Тус тэмцээнд 18 байгууллагын 100 гаруй тамирчин цэц мэргэнээ сорьж байгаагаас эрэгтэй 53 эмэгтэй 52 харваачид өрсөлдөж байгаа юм.

Өнгөрсөн пүрэв гарагт эрэгтэй чансаа тогтоох урьдчилсан харваа явагдаж үндэсний шигшээ баг, “Алдар” спорт хорооны тамирчин Д.Дашнамжил 50 м-ийн зайд харваж Монгол Улсын шинэ дээд амжилт, рекордыг шинэчилжээ. Тэрбээр дөрвөн зай 90, 70, 50, 30 харвалтаас 50 м-ийн зайн онооны рекордыг 336 байсныг 337 болгон шинэчлэн тогтоосон байна.

Өнөөдөр буюу наймдугаар сарын 16-ны өдөр эмэгтэй чансаа тогтоох урьдчилсан харваа болон багийн харваа явагдах юм. Эрэгтэй, эмэгтэй финалын харвалтууд ням гараг буюу наймдугаар сарын 18-ны өдөр болохоор төлөвлөгджээ.

Байт харвааны 2024 оны улсын аварга эхэллээ

АНХААР! Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд ergelt.mn хариуцлага хүлээхгүй.

Нийт сэтгэгдэл: 0

Шинэ мэдээ

Нийтлэлчид