Сонирхогчдын бокс 2028 оны Лос Анжелесын олимпын наадмын спортын жагсаалтад ороогүй байна. Олон улсын олимпын хорооноос /ОУОХ/ гаргасан энэхүү шийдвэр нь Олон улсын боксын холбоо (ОУБХ)-ны засаглал, менежментийн асуудалд санаа зовсноос үүдэлтэй гэнэ. ОУОХ-ноос ОУБХ-ны шударга байдал, санхүүгийн ил тод байдал, шүүлт, шүүгчийн үйл явцын шударга байдалтай холбоотой асуудлуудыг хөндсөн байна.

      Узбекистаны иргэн Гафур Рахимов 2017-2019 оны хооронд Олон улсын боксын холбооны ерөнхийлөгч байх үед  АНУ Гафуровыг олон улсын эдийн засгийн хориотой, контрабант хүн олон улсын спорт холбоог удирдах нь зохимжгүй гэж шүүмжилжээ. Удалгүй ОХУ –ын иргэн Умёр Кремлев ОУБХ ерөнхийлөгч болсон ч Газпромоос ОУБХ санхүүжилт авах нь дайныг дэмждэг байгуулга бас л олон улсын холбоог дэмжих нь утгагүй гэх зүйлүүд ар араасаа хөвөрсөөр өнөөдөр ийм үр дүнд хүрсэн байна.

      Олон улсын боксын холбоо нь удаа дараа ОУОХ-ны заавар зөвлөмжийг дагаж мөрдөөгүйгээс шалтгаалж, асуудлууд хүндэрч боксыг 2028 оны олимпын наадмын хөтөлбөрөөс хасах шийдвэрт хүргэжээ. Гэсэн хэдий ч бокс уламжлалт олимпын төрөл бөгөөд үүнийг тамирчид, улс орны холбоод, хөгжөөн дэмжигчид хүчтэй дэмжсээр байгаа.

       Спортын олон улсын удирдах байгууллагын хүрээнд засаглал, ил тод байдал, шударга байдлын асуудлыг шийдвэрлэхийн тулд дорвитой шинэчлэл хийвэл боксын спортыг 2028 оны хөтөлбөрт нэмж оруулах боломжтой гэж Олон улсын олимпын хорооноос ОУОХ мэдэгдсэн байна. Боксын спортыг оруулах эцсийн шийдвэр нь ОУБХ-ны засаглалын ил тод байдал ахиц дэвшил эсвэл хоёр дахь шинэ холбоо “World boxing” байж магадгүй юм.