Олон улсын хүүхдийн спортын Х наадам Улаанбаатар хотод 2024 оны наймдугаар сарын 6-10-ны өдрүүдэд зохион байгуулагдлаа. “Парис 2024” олимпын дуулиан, шуугианд дарагдаад хүүхдийн спортын наадмыг тоох, анзаарах, анхаарах хүн байсангүй. Монгол, Хятад, ОХУ гэсэн гурван улсын баг тамирчид спортын есөн төрөлд 525 багц медалийн төлөө өрсөлдөж, Монголын өсвөрийн шигшээ баг 31 алт, 33 мөнгө, 30 хүрэл нийт 94 медаль хүртсэнээр багийн дүнгээр тэргүүллээ.